തളിർ മാഗസിൻ: വിട /

ഇത് തളിർ

കർമ്മ സമൃദ്ധമായ ഇന്നലകളുടെ ത്യാഗബന്ധുരമായ ഉൾപ്പിരിവുകളിലേക്ക് ഒരിക്കൽ കൂടി തിരിഞ്ഞു നോക്കി, ആരെയും കാത്തു നില്ക്കാതെ വ്രണിത ഹൃദയങ്ങളുടെ ശ്യാമരക്തം പുരണ്ട ജീർണ്ണ മാലിന്യങ്ങളുടെ നെയ്പ്പാട് കലങ്ങിയ ആത്മ നൊമ്പരങ്ങളുടെ അഗ്നി ദ്രാവകങ്ങളിലൂടെ കഠിനമായി തുഴഞ്ഞു, അടിച്ചമർത്തലുകളുടെ കൊടുങ്കാറ്റുകളെ വകഞ്ഞു മാറ്റി പ്രവാസത്തിന്റെ ഈ തീക്കടൽ മുറിച്ചു നീന്തുമ്പോൾ ആ നെഞ്ചിടിപ്പിന്റെ താളമിത...അക്ഷരങ്ങളായി ജന്മമണിഞ്ഞ് നിങ്ങളെ തേടുന്നു..... സ്വീകരിച്ചാലും.

സൃഷ്ടികളും അഭിപ്രായങ്ങളും ക്ഷണിക്കുന്നു

വിട /

പുണ്യമാസമേ
നീ വിട പറയുന്നുവോ
ഇനി നീ വരുമ്പോഴെൻ
ഉയിരുണ്ടാകുമോയീ ഉലകിൽ
നിന്നെ സാക്ഷിയാക്കി നാഥനിൽ
സമർപ്പിച്ച പാപഭാരക്കെട്ടുകൾ
നിൻ പകലുകളിൽ ആമാശയത്തിന്രെ
ആശകളകറ്റിയും
ഇരവുകൾ കണ്ണീരൊലിപ്പിച്ച
നിൻ ദിനരാത്രങ്ങൾ
റഹ് മത്തും, മഗ്ഫിറത്തും, ഒടുവിൽ ഇത്ഖും
രണഭൂവിൽ സത്യം ജയിപ്പിച്ച ബദ് റും
അതിഥിയായെത്തിയ നീയിന്നലെ
ഇന്നിതാ പടിയിറങ്ങുന്നു.
തന്നില്ല ഞാനൊന്നുമെന്നാലും
വരണമിനിയുമൊരുപാട് വട്ടമെൻ
ആശ തീരു വോളം

No comments:

എഡിറ്റോറിയൽ

മനസ്സും ശരീരകും സ്ഫുടം ചെയ്ത്‌ വിശുദ്ധ റമളാൻ വിട ചൊല്ലി. വിശ്വാസികൾ വിശുദ്ധ മാനസരായി. അതീന്ദ്രിയാനിഭൂതിയുടെ ലോകം കീഴടക്കി.വ്രതം പരിചയാണെന്നാണ്‌ പ്രവാച പൂംഗവർ മൊഴിഞ്ഞത്‌. ചിറ പൊട്ടിയൊഴുകുന്ന സാമൂഹ്യ തിന്മകൾ ഗർഭം ചുമന്നു വേവുന്ന തെരുവുകളിൽ പോരാട്ടത്തിന്റെ ആയുധം മൂർച്ചപ്പെടുന്ന പണിശാലയാണ്‌ വ്രത വസന്തം. വിശപ്പും പട്ടിണിയും കൊണ്ട്‌ ആശയടക്കി വീർപ്പിടുന്ന പരശ്ശതങ്ങളുടെ വേദനകളോടുള്ള ഐക്യദാർഢ്യമറിയിച്ചാണ്‌ നാം വ്രതാനുസാരികളായത്‌. പട്ടിണിയുടെ മാധുര്യവും ദാഹത്തിന്റെ സൗന്ദര്യവും ആസ്വദിക്കുമ്പോഴാണ്‌ ആദ്ധ്യാത്മികതയുടെയും ‘സുഹ്ദി’ന്റെയും വെളിച്ചക്കീറുകൾ ഹൃദയത്തിലെത്തുന്നത്‌.പുണ്യമാസം വിട ചൊല്ലിപ്പിരിഞ്ഞാലും ഹൃദയമാസകലം കോരിത്തരിപ്പിച്ച കുളിരും തണലും വഴിയിൽ വീണുടഞ്ഞു കൂടാ..! മൈലാഞ്ചി മണത്തിന്റെയും പെരുന്നാൾ സദ്യയുടെയും ഗൃഹാതുരമുണർത്തി വീണ്ടും ഈദുൽ ഫിത്വർ സമാഗതമായി. വിശ്വമാനസങ്ങളിൽ മധുരം വിളമ്പി പെരുന്നാൾ തക്ബീർ അന്തരീക്ഷത്തിൽ മുഴങ്ങുന്നു. ചിരകാല സ്വപ്നമായി പ്രവർത്തകന്റെ മാനസാന്തരങ്ങളിൽ തലോലിച്ചിടുന്ന ഇ.മാഗസിൻ ഈ പെരുന്നാൾ സുദിനത്തിൽ പ്രകാശനം ചെയ്യാനാവുന്നത് ഇരട്ടി മധുരം തന്നെ. ആർ.എസ്.സി. ദമ്മാം സോൺ കൾച്ചറൽ കൗൺസിൽ പരിമിതമായ സമയത്തിനുള്ളിൽ വിരിയിച്ചെടുത്തതാണ് ഈ ഉദ്യമം. ആർ.എസ്.സി യുടെ സഹകാരികളുടെ നോവും വേവും മഷിനനക്കുകയാണിവിടെ. എഴുത്തുകാർ സ്വാതന്ത്ര്യമെടുത്ത് എഴുതിത്തന്ന കുറിപ്പുകളാണ് പലതും. അനാദരവോ അബദ്ധങ്ങളോ വരാതിരിക്കാൻ ആവത് ശ്രമിച്ചിട്ടുണ്ട്. മനുഷ്യ ബുദ്ധിയുടെ പരിമിതമായ നാലുകെട്ടുകളിൽ നിന്ന് നടത്തിയ എഴുത്തുകുത്തുകളിൽ സ്വാഭാവികമായും കടന്നു കൂടിയേക്കാവുന്ന സ്ഖലിതങ്ങൾക്ക് സർവ്വശക്തൻ മാപ്പു നല്കട്ടെ. ഏറെ വിനയത്തോടെ ആദ്യ പതിപ്പ് സവിനയം സമർപ്പിക്കുന്നു. സുമനസ്സുകൾക്ക് നന്ദി.. പ്രാർത്ഥനയും...

മാഗസിനു പിന്നിൽ

സർഗ സമൃദ്ധിയുടെ വിഭവ വൈവിധ്യങ്ങൾ ആവിഷ്കാരത്തിന്റെ ഈ തീന്മേശയിൽ വിളമ്പുവാനൊരുങ്ങിയിട്ടില്ല. എങ്കിലും നിദ്രാവിഹീനമായ രാത്രി അദ്ധ്യായങ്ങളുടെ ഈ അക്ഷര ജന്മം പുഞ്ചിരിക്കുമ്പോൾ ഒരു സുഖം. ഒരു നിർവൃതി.. സഹകരിച്ചവർക്ക് വരണ്ട തൂലികത്തുമ്പ് കൊണ്ടല്ല, ആത്മാവിൽ കൂമ്പിയ പൂമൊട്ട് കൊണ്ട് നന്ദി കുറിക്കുന്നു..

സമിതിയ്ക്ക് വേണ്ടി
റഷീദ് പാപ്പിനിശ്ശേ രി

ഇത് തളിർ

സൃഷ്ടികളും അഭിപ്രായങ്ങളും ക്ഷണിക്കുന്നു

വിട /

No comments:

Post a Comment