മനിഷ്യനൊഴുകുന്നോ..?

ജനനമെന്ന കുന്നിലുദയം
മരണമെന്നഴിമുഖത്തസ്തമയം
കടലിലലിഞ്ഞനന്ത കാത്തിരിപ്പ്
മറു ലോകത്തിനോ സമുദ്ര വിശാലത
എത്ര കല്ലുകളിൽത്തട്ടി കാലിടറി
പിന്നെയും തപ്പിത്തടഞ്ഞെഴുന്നേറ്റ്
പൊട്ടിച്ചിരിച്ചും നാണം കുണുങ്ങിയും
ചിലർകാട്ടും വികൃതിക്ക് മേലുകാട്ടിയും
ശാന്തമായൊഴുകിയും രൗദ്രഭാവം പൂണ്ടും
മെലിഞ്ഞും നിറഞ്ഞും കാത്തു കിടന്നും
ഉള്ളിലെത്രയോ മല്ലൂർക്കയങ്ങളൊളിപ്പിച്ചും
തുടക്കം മുതലൊടുക്കം വരെ
പുഴയൊരേയൊഴുക്കാണോ മർത്യാ..